Twieë Half Um wint Kook van Eige Deig 2017!!!

 

1e plaats: Twieë Half Um

2e plaats: Manon en Bart

Met ut leedje: Vastelaovend blief besjtaon

Met ut leedje: Volle krach

3e plaats: Hay Vercoulen

4e plaats: Kraantje Gypie

Met ut leedje: Nog eine met de jas aan dan

Met ut leedje: De Rolator

Kook van Eige Deig 2017 Zaoterdig 14 oktoeëber waas ’t den eindelik wer zoeë wied. Same mèt ‘ne hieëlen houp vastelaovesvierders woort beej Habets in de zaal ’t jaorlikse Kook van eige Deig geprissenteerd. Naodet sjpraeksjtalmeister Ruud Driessen d’n aovend geäöpend hei, woort d’r un ieërbetoeën aan Arno Janssen gegaeve ónger muzikaal begeleide van ós eige fanfarekepèl. Nao dit sjoeëne, maar ouch emotionele memènt waas ‘t aan de artieste öm de volgorde te bepaole en zich op te gaon make veur de ieërste ronde. De viefkoppige jury (allemaol zengers oet diverse bekende Limburgse formasies) kreeg de oetdaging öm de winnaar van d’n aovend te bepaole. Tiedes de pauze waas d’r ‘n geweldig optraeje van Bart en Karen die d’r same mèt de zaal ‘n sjoeën fieësje van maakde. Nao de pauze kóste ós artieste nag ‘ne kieër laote zeen wat zeej in eure mars heie, waonao de jury de zjwaore taak hei öm ‘ne winnaar te gaon bepaole. Dit alles woort besjpraoke tiedes ‘ne wer gans gesjlaagden tombola, mèt as houfpries ’n menuut gratis winkele beej de Coop in Baolder. Deze woort gewónne door Dorothé de Bock die op vastelaovesvriedig de kèr meug gaon völle. Toen waas de sjpanning netuurlik nimmer te haoje… De jury hei de volgorde en de winnaar bepaold: De 4e plaats: Kraantje Gypie mèt De Rolator De 3e plaats: Hay Vercoulen mèt Nog eine met de jas aan dan De 2e plaats: Bart Jacobs en Manon Emonts mèt Volle Krach! De 1e plaats: Twieë half um mèt Vastelaovend blief besjtaon Dit jaor waas d’r ouch ‘n speciale priesoetreiking ömdet veur ‘t iers de ‘Arno Janssen wisselbokaal’ is oetgereikt. Dae waas netuurlik veur de winnaars: Huub en Hay die same ‘t duo Twieë half um vorme. D’n aovend woort aafgesjlaote mèt nag ‘n sjpectaculair optraeje van Bjorn en Mieke. Die höbbe de zaal nag efkes oppe kop gezatte. Al mèt al ‘ne hieële gesjlaagden aovend!!

Agenda

Vastelaovend 2019 3, 4 en 5 Mieërt
  • Zaoterdig 13 Oktoeëber KVED totaal
  • Zaoterdig 11 November Insjete Vastelaovend
  • Zaoterdig 17 November, Café Centraal, CD prissentasie en kaarteverkoup pronkzitting
  • Zaoterdig 15 December Hierezitting
  • Vriedig 1 Fibberwari Jeugprinsebal
  • Zaoterdig 2 Fibberwari Prinsebal 20.11 oor
  • Zondig 3 Fibberwari Donateurskaarte verkoup tot en met 11 Fibberwari
  • Vriedig 8 Fibberwari Prónkzitting 20.00 oor
  • Zaoterdig 9 Fibberwari Prónkzitting 20.00 oor
  • Zaoterdig 16 Fibberwari Seniorezitting Unitas
  • Zaoterdig 23 Fibberwari Boeremoosbal
  • Zondig 24 Fibberwari Kranteverkoup
  • Vriedig 1 Mieërt Sjoëlebezeuk, aansjloëtend programma
  • Zaoterdig 2 Mieërt Aafhaole JeugPrins(es) aansjloëtend Vastelaovesmis en Jeugprinse recepsie
  • Zondig 3 Mieërt Aafhaole Prins, aansjloëtend recepsie etc
  • Maondig 4 Mieërt Vastelaovesmaondig, Optog
  • Dinsdig 5 Mieërt Boérebroelof
  • Woensdig 6 Mieërt Aswoensdig
  • Woensdig 6 Mieërt Hiëringsjelle

Programma