Reglement optoch

Maondig 12 Fibberwari 2024 Optoch in ut Kookelank

Op vastelaovesmaondig trèkt wer de groeëten optoch door Baolder. ’t Zuut d’r nao oet det ’t wer ein groeët sjpektakel geit waere, zoeëas weej det gewend zien. De categorieë zien ingedield in:
  • Einzelgenger
  • Duo’s
  • Kleine groepe (3 toet en met 11 persoeëne)
  • Groeëte groepe (vanaaf 12 persoeëne)
  • Wages
De 1e 5 prieswinnaers van iddere groep ontvange priezegeld, en netuurlik zien d’r wer de aanmoedigingspries en de publiekspries. Diegene die mei wille doon en zich nag neet höbbe opgegaeve mótte dit zoeë sjnel meugelik doon.

Opgaeve van kleine groepe en/of individuele op:
Zaoterdig 3 fibberwari in de residensie. Tösse 16.30 oor en 18.00 oor kent geej ug nummer aafhaole.

Der zien netuurlijk wel ’n paar regels die in ach genaome mòtte waere:

  1. De opgave is bingend, insjrieve as wage is ouch deilnimme as wage, insjrieve as groeëte groep is ouch deilnimme as groeëte groep. Nao insjrieving kèn d’r NEET mieër gewisseld waere van categorie door de deelnimmers, oetsjloetend de optochcommissie kèn de insjrieving nag verangere.
  2. De wages meuge neet breier zien as 2.50 maeter en neet hoeëger as 5.00 maeter.
  3. D’r meuge gèn aansitoetgaevende tekste en/of creasies zien.
  4. V.w.b. de jurering, die geit as volgt: door de optochcommissie waere d’r inkele onaafhankelike minse oet Baolder benaderd öm te jurere, det kèn dus idderein zien. D’r wuuert speciaal gelet op de aafwerking, de orginaliteit, ’t idee en de algemeine verzorging. Dus wie groeëter wie baeter geit in dit geval neet op.
  5. Alle auto’s, traktors enz. mótte verplich minimaal W.A. verzekerd zien en veurzeen zien van eine goodgekeurde brankblusser.
  6. As ’n bouwwerk/wage mechanisch wuuert veuroetgetrokke tiedes d’n optoch mót ’t trèkkend voertuig gekeurd waere
    door de optochcommissie. Dit zal gebeure de zaoterdig veur d’n optoch vanaaf 10.00 oor, zörg d’r veur det d’r emes aanwezig is. Voertuig NEET gekeurd beteikent gen deilname!!!
  7. As de besiteurder van ’n trekkend voertuig, beej kleine groepe, dudelik NEET beej de prizzentasie/oetbeelding van eur “act” huuert, den tèlt deze persoeën neet mei beej de telling van ’t aantal persoeëne veur wat betrof ’t aantal minse det deil oetmaakt van de groep.
  8. Van overheidswaege is ’t verder verbaoje öm pepeersjnippers, confettie e.d. te sjtruie.
  9. Verder meuge d’r besjlis gèn bieëste in d’n optoch meidoon.
  10. Netuurlik mótte de chauffeurs in ’t bezit zien van ’n geldig riebewies en is ’t ten sjtrengste verbaoje alcohol te drinke
    tiedes d’n optoch. “DE KOOK” zal heej sjtreng taege optraeje!!!
  11. Alcohol onger de 18 jaor is verbaoje!!!
  12. In alle gevalle waorin dit reglement neet veurziet beslist de optochcommissie. Eur besjlissing is bingend en sjteit neet
    ter discussie.

Deilname aan d’n optoch is gans veur eige risico, vv “de Kook” kèn op gèn ein wies aansjprakelik waere gesiteld veur sjaai in welke vorm den ouch.

Veur vraoge, nim contact op middels ’t contactformulier van “de Kook”, de optochcommissie zal zoeë sjnel meugelik antwaord gaeve.

De gewònne baekers die truuk gegaeve mötte waere aan vv “de Kook”: uterlik op de zaoterdig, 2 waeke veur de vastelaovend, inlevere beej ein van de leje van de optochcommissie. De leje van de optochcommissie zien te vinge onger ’t köpke “ós leje“.

Op zaoterdigmorge 2 waeke veur d'n optoch en de zaoterdig veur d'n optoch vanaaf 10.00 oor komme weej nao de waeges kieke. Zörg det geej den aanwezig ziet op de bouwlocasie.