Proklamasie

Weej, Prins Tom d’n ieërste

Zoon van Peter van Frits van de Pratwinkel oet Baolder en Lies oet Helden én van Hennie van Pierre van Siebke oet Kessel en Toos oet Meijel

Besjermhieër van Centraal Baolder, Gouden-zaag van Baolder 5, Keuning van de sjlechte grappe van Kieët Gnob, Baron van de Muldersjtraot, Sjleuteldrager van de Raod van 11, Troewe supporter van VVV, Hieërser euver ’t Kookeriek in 2026

Besjloete heejbeej,

Ten 1^e   Det ut keiruig is um heej te staon en det weej d’r same mèt de Kook, de JVB en de boerebroelef vol veur gaon.

Ten 2^e   Det uch drenkske beej Centraal gèt langer deurt, want nów is de Prins aan de beurt.

Ten 3^e   Det as uch lempke oet geit, geej uch altied beej adje 1 kènt melde.

Ten 4^e   Det de John Deeres dit jaor neet allein gael en greun kleure, maar ouch roeëd.

Ten 5^e   Det de Raod van 11 ut dit jaor weer mèt eine minder mót doon en daorum extra hel mèt os mót fieëste.

Ten 6^e   Det ós kammeräöj van Kieët Gnob euveral zien wao weej ouch zien.

Ten 7^e   Det weej de kukskes van Kieët Gnob same wille zeen fieëste mèt alle angere kukskes van Baolder.

Ten 8^e   Det d’r twieë plaatse oppe bank van ‘t 5^e zien gereserveerd en eine stockcar minder oppe baan zal versjiene.

Ten 9^e   Det d’r beej de dames van ut trio nog vacatures zien, maile kèn nao secretariaat@dekook.nl.

Ten 10^e  Det weej al jaore wiste dèt dit jaor, ós jaor zuuj waere.

Ten 11^e  Det idderein 17 januari beej d’m Bats is oetgenuuedigd op miene verjeurdig.

En dit alles ónger ós motto: Van jónk toet aod, veur altied kammeraod!